Mingration Reprise

Oans des guid auf jedn foi:
Glücklich wead ma überoi
ganz wuascht in waichna Stod
solang ma oan hod
den ma mog und dea oan mog
des muaß ma erst moi schnoin!
An da Bavaria dringst du ans Herz von Minga vor
weil dei Freindin flüstert dia ins Ohr: »850 – 089, 850 – 089« (89 9 9 ...)
In da Schwabinger 7 dean zwoa Oide zwoa Hoibe zoin
im Englischen Garten fahrt oana freihändig mim Radl und moant er konn fliang
du stehst auf da Wiesn und konnst sein Fahrtwind im Gsicht schbian
Die Sophie Scholl verteilt Flugblätter an der Uni
de Bladl flattern in da Aula
da Mehmet Scholl schlenzt den Freistoß um de Mauer ummi
und da Tierpark Toni spendiert an Kir Royal fürd Paula
Im Hofbreihaus werd drunga
Skandal im Sperrbezirk werd gsunga
im Schlachthof heast an Gnadenschuss
am Viktualienmarkt is Ladenschluss
de Prominenz schlawenzt um die Residenz
und reibt die Löwen an da Nosn
da Gerhalt Polt spuid auf mit de Biermösl Blosn
und unt an da Isar tret oana de Gluad aus
und a wennst de Augn grod zua host schaut eigentlich ois ganz guad aus
es is sagrisch angenehm
es is fast wia im richtign Leben
doch auf oamoi schreit da Regisseur sei ganze Wuad raus:
»Ja woast denn du ned wos zuagroast hoast? Wia staisdn du di o?«
Wei du stehst go ned vor da Bavaria – sondern im Bavaria Film-Studio!
Ois war nua Kulisse, du host neamands bei da Hand
und du bist ned guad beinand
du host an Brand
und scho schreit a Praktikant:
»Pringt den Purschen mal ins Pett!« (Mal ins Pett, Mal ins Pett …)
und du weast wach
weil in Wirklichkeit bist go ned am Set
sondern liegst wira so a bsuffns Woogscheidl
im Englischen Garten
vorm Chinesischen Turm
in am Münchner Biergarten
auf na bayrischen Bierbank
und verstehst nur Spanisch und Bahnhof
bist komplett dudnzua und planlos
Breznsoids babbt an deiner Backn
an deiner Mäki-Krone faid a Zackn
aba nach am Obatzdn foids da auf oamoi wida ei
und du bist mittndrin statt nur dabei:
du bist lustig mit deiner neien Freindin über die Leopold flaniert
host dei neis Outfit präsentiert
und warst anschließend mit a bo Kollegen oan Tringa
aba davor am Siegestor do host a bissal über ois sinniert
und host zum ersten moi voi gschbiad:
»I am dahoam in Minga!
... and I have Bock on that!